Rritet numri i përdoruesve të kompjuterëve Mac

Kompania Net Applications ka publikuar të dhënat paraprake mbi pjesëmarrjet e sistemeve operative të cilët i përdorin njerëzit në mbarë botën. Të dhënat e publikuara kanë treguar për një rritje të përdoruesve të kompjuterëve Mac.
Sipas të dhënave të Net Applications, gjatë muajit dhjetor të vitit që sapo e lamë pas vendin e parë sipas llojit të sistemit operativ ende e mbajnë Windows-at me 88.68 për qind të pjesëmarrjes, pasojnë pronarët e kompjuterëve Mac me 9.63 për qind, derisa në vendin e tretë janë vendosur përdoruesit e kompjuterëve me ndonjë nga distribucionet e Linux, dhe atë me pjesëmarrje prej 0.85 për qind.
Lista është interesante edhe për faktin që dëshmon rritje të përdoruesve të cilët vizitojnë faqet e internetit nëpërmes celularit iPhone, derisa gjendet në vendin e katër me 0.44 për qind të pjesëmarrjes.